اللوحه اللي فوق قصر الضيافه= ياليتها تنقل على قصر صمدان
قصرن ضيوفه مثل وِرد اللصافه =ليا تلافا فوقها وِرد جبلان
قصرن يجونه من بعاد المسافه =شوخ القبايل والنوادر والاعيان
ويلقون إبه ترحيب قدر ولطافه =من بال شيخن للمواجيب نشطان
رضع المروه والكرم في لفافه=وكبرت ورافقها التواضع والايمان
ورام المعالي ووتلفها ولافه =وصارت سجيه سيرته سر وعلان
ولاجات له صعب المراجل حيافه =ولاجات له مدت معزب وصفطان
بذل لها جهده وطاعت أعسافه = ونوى يبين ومن يهوم العلا بان
والله خلق صمدان للحايل أفه = يحوشها للذبح ماهاب الأثمان
صينيته بالوصف كبر الطخافه =يرمى بها الكوم العداوا وحشوان
ولايلحق المدات من وحسافه = يرجي ثواب اللي خلق كل الاكوان
بنى الجديده ماحسب للكلافه = وفي كل يوم أتزيد مبنى وعمران
وخلا الذي قد كان قدمه أحلافه =ولطيب الهقوات فالمجتمع شان
يعيش راسن مالتفت للتوافه = ولا استمع في هرجة افلان وافلان
حتى أكتسى البيضا وصارت لحافه =وسجل له التاريخ سيره وعنوان
الطيب والناموس ماقط طافه= ياليتها جابت معه خمسة أخوان
هذا كلامي وانشري ياصحافه = ولاخير في قولٍ على غير برهان
قلته وانا ماني بياع قافه = أقدر الطيب واشجع كحيلان
اللوحه اللي فوق قصر الضيافه= ياليتها تنقل على قصر صمدان
نواف بن رازن
ِ