عسى السحاب اللي من الغرب حادر = يفضح سنا برقه دجى ظلمة الليل
إذا تعلا عالية نجد بادر = وحن أرعده واسبل سحابه هماليل
والأودية قامت بسيله تهادر= واد الرشا سيله تعداء الغراميل
وادٍ ربيعه جاء لعشبه بوادر = وجته الجهام الضافيات المسابيل
في ظف شيخٍ عن هذا الجيل نادر= شيخٍ طلع بالمرجله طلعة سهيل
راع المضيف اللي به البن خادر= ومكرّم الضيفان بالحشو والحيل
النادر اللي من سلالة نوادر= لابة مخاريمٍ سمــو بالمفاعيل
ليا نزل وإلا من الدار غادر= محل تقدير الرجال المشاكيل
كم واحدٍ جاله يدينه قوادر= فقير ماله غير قوته محاصيل
وصبح غني يشبه كبار الكوادر= وبعد العدم ديوان بيته مداهيل
عمر لا..جاء للعلم وارد وصادر = وفترت مع المده عزوم الرياجيل
من غير ابن خشنان للحل قادر = بالجاه وإلا المال ولا المداخيل
علمن موكد من جميع المصادر = إن عدو زحول الرجال الحلاحيل
وهذا الذي بالمدح والطيب جادر = ويستاهل التمجيد جمله وتفصيل
عسى فداه من البشر كل غادر= يفدون كساب الثناء والتنافيل
ومادام للمعروف والطيب كادر= أبو فهد رمز الوفاء نادر الجيل

نواف بن عبدالعزيز بن رازن