هاض الخفوق وصاغ جزل العبارات= وأنا سعوديٍٍ براسي حموه
شاعر ما قول الشعر من شان غايات = ولا لي على هزل القصايد جروه
مامدح على شان العطا والجنهيات = ولا امدح سوى ال سعود بيت المروه
املوكنا لملوك الاوطان سادات = عاشوا على عز وعداله وقوه
والشرع قايم بالسيوف الرهيفات= والامر شورى مثل عصر النبوه
والمدح ماله غير رجل المهمات = سلطان بن عبدالعزيز وسموه
ماتحصي امجاده جميع السجلات = ولا الصحافه والخطيب المفوه
سليل مجد من العصور القديمات= مجده من الاجداد ماهوب توه
درع الوطن حاميه من كل الافات= سلطان في بره وبحره وجوه
من راس ابو تركي زعيم البطولات= اللي بنى مجده بقلعة عدوه
وبينه وبين الشعب حب وعلاقات = يفوق ميزان النسب والاخوه
لا والله أقوى من جميع المودات = عدل وفا وحساس عطف الابوه
هذا الذي يزهى المدايح والابيات= ومدحن بغيره كسر يصعب بروه
كل القلوب مسافره معه بالذات= ونجد العزيز من اسفله لاعلوه
لاباس يارمز الشرف والمروات= لاباس يامالك قلوب السموه
لاباس ياطب الكبود العليلات= لاباس ياغيثٍ على الشعب نوه
لاباس ياستر البني العفيفات = ياعز منهو من زمانه تأوه
لاباس يوجه السعد بالملمات = و تضرب بكفن للمعادي تشوه
والحمد لله يوم صارت سلامات = ولاح الامل والخير شعشع بضوه
يارب الارض ويابديع السماوات= ياواحدٍ ماغير قوتك قوه
ياعالم أسرار القلوب الخفيات= يامرجع ٍ مد المحيط لهدوه
يافارجٍ ليوب بعد المعانات = ورديت يوسف بعد طول الجفوه
تحفظ ولي العهد في كل الاوقات= ومن الزمن تحميه شره وسوه
ورده لنا سالم من ارض الولايات= وعنه المرض ياوالي الكون طوه
ويسلم لنا راعي حوار الديانات = عز الوطن قايد مسيرة نموه
هذاك ابو متعب رفيع المقامات= رمز العدالة والوفا والمروه

نواف بن عبد العزيز بن رازن