ياسيدي سلمان أهنيك بالعيد= بعد الصلاه ..وقبل ذبح الضحايا
ماعندي أغلى منك يمشي على البيد= لا والذي يعلم جميع الخفايا
ياسيدي نسل الملوك الاماجيد= شيالة الكايد وساع النحايا
ياراعي الوقفات ياشامخ الحيد=يالوافي الصافي نزيه النواياا
جددت وقفاتك مع الوقت تجديد= ودايم لوقفاتك شموخ ومزايا
يالنادر اللي لاطلع يدرك الصيد= ودايم لوقفاتك شموخ ومزايا
معك القلوب مسافره دون تحديد= غلاك ثابت في جميع الخلايا
محبوب نجد وشوق أهلها شواهيد= وقلوبهم على قبالك ضمايا
إن غبت صاروا كالجمال المقاييد= ون جيت جو يمك جموع وسرايا
كبودهم بسباب بعدك ملاهيد= أثر غيابك بالضماير كوايا
وعيونهم بالدمع الازرق مواريد= تجهش وتروي حايمات المطايا
واليوم نجد ابغيبتك مالها عيد= العيد صار ابجيتك وأنت جايا
أنت الفرح وأنت الأمل بالمواعيد= وشوفتك سالم من كبار الهدايا
وعسى عسى يابو فهد عيدك سعيد= ويحفظك ربي من سهوم المنايا
يامن غلاك يزيد ويزيد ويزيد= ونشتاق لك من بد كل البرايا
ويا سيدي سلمان أهنيك بالعيد= بعد الصلاه.. وقبل ذبح الضحايا



نواف بن عبدالعزيز بن رازن