رقى زيد الحثل بالشعر فوق وفوق معه أرقا= وقطعت التذكره من شان أخاوي مبعد الشوحي

أنا عتيبي وانا حربي وانا روقي ومن برقا= ومن دفانة الركبة ومن جلابة الروحي

تشرفنا بطاقة شاعرٍ له بالعلا مرقا= موثقها بتاريخ ٍ عريق ٍ مجده ايفوحي

عليه البيض ماهل السحاب وناض به برقا= وما غنا الحمام الورق بلحونه على الدوحي

صحيح عتيبه الهيلا وحرب أخوان لافرقا= ونفخر بالحروب أخواننا والبال مشروحي

شبابه عزها لاهوب لاخدعه ولا سرقا = خيال ٍ ينفجر فيه السطر وسيوفه اتلوحي

شبابه فعلها ماهوب لاختله ولا درقا= على وضح النقا يوم أنها ذابح ومذبوحي

مزبنة الدخيل الملتجي وكفوفهم عرقا= هل الامجاد يوم أن الفعول اتموحها موحي

هل العطفه اليا سيق الجمل حماية الطرقا= رجالٍ سمروا نجد الوفا تسميرة اللوحي

ونعمٍ بالقبايل غرب والا شام مع شرقا= وجنوب وكل رجل ٍ للمعالي يبني اصروحي

ونعيش اليوم في حكم العداله والسما زرقا= تحت ظل الشريعة كلنا في خير وفروحي

صحيح عتيبه الهيلا وحرب أخوان لافرقا= ونفخر بالحروب أخواننا والبال مشروحي