نويت أصك المحفظه وافصل السلك =ونسى مع الايام سوق الحسايف
رزقي على رب الملا مجري الفلك=جزل العطايا ملتجى كل خايف
الملك مايخفى على مالك الملك=وبالسوق غشونا كبار الوظايف
ولا ادري متى نسلم من المهزله تلك=أضفت على زود الكلايف كلايف
أما انجلى ليل العنا المظلم الحلك =والا حياة العز صارت كسايف
والله يجازي من علك سوقنا علك =ما خاف ربه يوم عرض الصحايف
ياشجرة الزقوم من يقربك هلك=ويبقى الامل بالله والسوق هايف
نواف بن رازن
