إن كان ماتعرف عشير النشاما =وتبغى تعرف ميزاته والأوصاف
لوضع مايحتاج شرح وكلاما =يكفيك تعرف واحد مثل نواف
رجل عظيم ومن رجال عظاما =أمجادهم حاضر ومن ماض الأسلاف
لهم شداد من قديم ومقاما =ولهم الى جات المواقيف ميقاف
من قادة الهيلا حماة الجهاما =ذباحت الحايل ومزبان من خاف

فرح سهيل الجذع

يالله يامنشي حقوق الغماما= يامنزلن سورة تبارك والأحقاف
ذكرك عزيز وذاكره مايضاما=وبسمك يحي للشعر مبدا وميقلف
ويامرحبا باللى كلامه وساما=من صادق الإحساس ماهل هتاف
ترحيب أصدق من دموع اليتاما=وأحلى من السكر على در معطاف
يفوح ريحه بالنفل والخزاما =وأغلى من الجوهر على جيد غرياف
وقفت للقاف العظيم احتراما= وزداد في قلبي غلا نسل الاشراف
وجاء للقوافي بالضمير ازدحاما= هيض وفرح واعجاب من قلب ميلاف
برسالة اللي مركزه بالسناما = الوافي اللي عند الازمات ينشاف
شيخن مسند من خوال وعماما = حمايت التالي عطيبين الاهداف
فرح بعيد اعن الردى والملاما = وصيته لمع في نجد مع كل الاطراف
يعيش ابو تركي رفيق الحشاما = وترفع له البيضاء على كل مشراف

نواف بن رازن